Pamahiin at mga Paniniwala ng mga Pilipino

Pamahiin ay mga paniniwala ng nakakatanda. Ito ay kadalasan sinusunod at ititunuturo ng mga matatanda sa mas bata pang henersayon.

Marami sa mga paniniwalang ito ay walang malinaw na paliwanag subalit maari pa ring may katotohanan o maganadang idudulot ang pagsunod sa mga ito.

Ang pamahiin ay kadalasang tungkol sa pagiging malas o swerte.  Marami sa mga pamahiin ay tungkol sa mga importanteng kaganapan sa buhay ng tao kagaya ng kasal, pagbubuntis, burol o libing.

Maaring magkaroon ng iba't ibang klase o magkasalungat na pamahiin . Ang pamahiin ay maaring magbago bago ng bersyon depende sa  lugar at paglipas ng panahon.

Ilan sa mga paniniwala at pamahiin ng mga Pilipino ay may impluwensya ng ibang lahi gaya ng feng-shui ng mga Chinese

Para sa akin wala naman masamang sumunod sa mga pamahiin lalo pa't simpleng bagay lamang ang mga ito pero para sa kin mali ang ipilit ang mga ito sa ibang tao may ibang paniniwala.  May pagkakataon na iniisip ko na ang pamahiin ay paraan lamang ng mga matatanda upang mapasunod ang mga kabataan. 

Hindi nila sinasabe ang totoong rason pero nailalayo ka pa rin nila sa kapahamakan.

Ang sumusunod ay halimbawa ng pamahiin at mga paniniwalang Pilipino

Huwag maligo sa gabi

Huwag matulog ng basa ang buhok

May darating na bisita kapag nalaglag ang kutsara o tinido. Babae kapag kutsara. Lalake kapag tinidor.

Bawal ang magwalis sa gabi

Malas ang makakita ng itin na pusa sa daanan

Kailangan baligtarin ang damit kapag naliligaw

Bawal ituro ang bahaghari (rainbow)

Bawal ang kulay pula sa patay

Tumalon sa bagong taon para tumangkad

Bawal isukat ang damit pangkasal

Masamag nakatapat ang salamin sa paanan ng kama

Masamang matulog na ang ulo ay nasa kanluran

Bawal ikwento ang masamang panaginip para di magkatotoo

May mamatay na kamaganak kapag nanaginip ng nabunot na ngipin

Huwag lilingon sa patay o kabaong habang ito ay nilalabas sa simbahan

Takipan ang mga salamin sa bahay habang may burol

Huwag magpapasalamat sa mga bisita sa burol

Huwag iligpit ang plato habang may iba pang kumakain dahil hindi daw makakapagasawa ang maiiwan sa kainan

Mag-ipon ng  12 bilog prutas sa bagong taon bilang pampaswerte