Sa Batangas, may mga malalim na salitang Tagalog at mayroong mga salitang sa kapwa Batangenyo mo lan madidinig. May mga salita sa Batangas gaya ng guyam at bilot na di maiintindihan ng ibang Pilipino. Kung meron man makakaunawa sila ay may lahing Batangenyo o malapit sa Batangas kagaya ng Laguna, Quezon, at Cavite.
Magbibigay ako ng ilang halimabawa ng mga salita sa batangas at subukan kong gamitin sa pangungusap
Malalim na Salita sa Batangas
Hapay
-nakabuwal
-nakatagilid
-bumabagsak
-Hindi na nakatayo ng tuwid
Hindi makadaan sa kalsada ang mga sasakyan dahil sa nakahapay na puno
Liban
-tawid,pagtawid sa daan
-pwede ring 'absent' sa klase
Tara na liban na tayo bago pa dumaan ang malaking trak.
Guyam
-Langgam
Takpan mo ng maiigi ang lalagyan ng asukal para di makapasok ang guyam
Manghinaw
-Maghugas
Bago ka kumain, manghinaw ka muna ng kamay
Bulungan
-tradisyon kung saan nagtitipon ang mga pamilya at kakilala ng ikakasal para magkaroon ng plano o kasunduan sa kasal.
Pumunta si tatay sa bulungan, sa susunod na buwan na daw agad ang kasal
Ikaw, may alam ka bang salitang batangenyo?
No comments:
Post a Comment